| Neyðarstjórn kvenna |
[nov. 23e, 2008|01:54 am] |
Jú þetta blogg er nú eiginlega dífúnkt en einhvers staðar verða vondir að væla.
Það er þetta með neyðarstjórn kvenna. Ég æmti fyrst þegar mér var boðið í facebook-grúppu með þessu nafni og hef ennþá ekki skilið fyrir mitt litla líf hvað þetta apparat á að fyrirstilla.
Fyrst hélt ég að um væri að ræða það sem nafnið segir til um; að konur væru að bjóðast til að taka að sér landsstjórn og efnahagsstjórn þar sem karlpungarnir væru búnir að skemma allt með sinni testósterón-drifnu áhættugreddu. Þetta geri ég ráð fyrir að þeir sem vita lítið umfram nafnið álykti líka. Sumsé, í öllu falli var lagt upp með vont PR-múv.
En nú heyrist hópurinn tala og boðskapurinn virðist vera eitthvað á þá leið að þegar breytingar séu gerðar á þjóðfélaginu í kjölfar kreppunnar verði nú að passa að ekki sé hallað á konur. Þessu get ég svo sem verið sammála. Massívar breytingar skapa ákveðið tækifæri til að leiðrétta áralangt óréttlæti þar sem tregða var til að drulla sér upp úr gamla farinu eða gefa eftir forréttindi. Það er sjálfsagt mál að benda á þetta. En af hverju það þarf að stofna fjöldasamtök, leggjast í tímaritaútgáfu og klæða Jón Sigurðsson í kjól bara til að benda á þetta eina atriði, það fatta ég ekki alveg.
Ef þetta er tillagan þá er hún auðvitað líka ótímabær því það er fjandakornið ekki verið að gera massívar breytingar á einu eða neinu í kjölfar kreppunnar. Fyrst þarf að berjast fyrir því að eitthvað verði gert og þegar það er komið í gegn á auðvitað að gera þá sjálfsögðu kröfu að konum sé ekki mismunað.
En fjandinn hafi það. Ég er honest to god card-carrying femínisti en þið hljótið að sjá að þetta er ekki stærsta vandamálið sem þarf að leysa akkúrat núna! Ég meina, jú, það væri ánægjulegt ef jafnrétti á Íslandi skánaði en hvernig getið þið sagt að það sé í forgangi? Í forgangi á undan því að koma í veg fyrir dómínó-gjaldþrot og massívt atvinnuleysi? Að koma í veg fyrir að hver kona og meira að segja menn og börn taki á sig stjarnfræðilegar skuldir auðmanna? Að fólk fái lágmarksupplýsingar og hæfir stjórnendur stofnana séu skipaðir prontó? Í alvöru??
Ég hef heyrt eina konkrít tillögu sem er þessi: ekki skipuleggja bara karlastörf þegar farið verður í aðgerðir til atvinnusköpunar í hallærinu. Karlastörf eru þá skilst mér að grafa jarðgöng og svoleiðis. Ég skil ekki bofs í þessu. Ein stoðin í femínisma eins og ég skil hann er að það sé alls óæskilegt að störf séu einokuð af öðru kyninu. Hitt er auðvitað rétt að það er óréttlæti fólgið í því að störf sem konur hafa sinnt í gegnum tíðina hafi verið metin minna bara af því að konur sinntu þeim. En það kemur málinu ekki fjandakornið við. Á að búa til störf fyrir konur sem konur hafa oftast sinnt? Auðvitað ekki, það á að ráða konur í þau störf sem verða búin til. (Hitt er annað mál, hvort það sé endilega skynsamlegt út af fyrir sig að leggja áherslu á það að grafa jarðgöng.)
En auðvitað er nokkuð sem tengist jafnrétti sem er mjög relevant í kreppunni. Við búum við ákveðna samfélagsgerð, tilteknar hefðir, stofnanir o.s.fr., sem vel má vera að viðhaldi kerfisbundnu misrétti. Til að uppræta misréttið þarf þá að breyta strúktúr samfélagsins. Þetta held ég að sé að sumu leyti satt. Og ef þetta er það sem "Neyðarstjórnin" vill berjast fyrir finnst mér það góð hugmynd. En þá erum við að tala um hreyfingu sem er mynduð utan um ákveðna hugmyndafræði. Hreyfingu sem hefur þann tilgang að berjast fyrir tilteknum, vel skilgreindum breytingum á grundvallarstrúktúr samfélagsins og stjórn þess á sem breiðustum grunni. Slík hreyfing er pólitísk hreyfing. Og þessi hreyfing vill alls ekki kannast við það að vera með pólitískt agenda (þótt einstakir meðlimir séu það e.t.v.). Þetta kemur skýrt fram á spjallborðinu á facebook þar sem einn meðlimur gagnrýndi vinstri slagsíðu á fyrsta tölublaði málgagnsins: hér er ekki spurt um stjórnmálaskoðun, allir fá að vera með sem eru með píku.
Það sem ég óttast mest er að þessi hreyfing hafi einmitt þau áhrif að pólarisera umræðuna um femínisma enn meira: Þeir sem halda að femínismi sé rót alls ills sjá í þessu tækifærismennsku, blindu á alvarleika stóru vandamálanna og í versta falli karlhatur (ef þeir lesa ekki lengra en nafn hreyfingarinnar). Og þessa gagnrýni er því miður ekki hægt að reka öfuga ofan í þá vegna þess að í henni felst nokkur sannleikur. |
|
|
| (pas de sujets) |
[oct. 14e, 2008|12:16 am] |
|
Alveg er hún ólíðandi þessi orðræða í kjölfarið á því að hagkerfið fór í steik. Það mætti halda að Íslendingar væru amöbur, rétt daginn eftir klúðrið fær þjóðin kollektíva uppljómun: Græðgi er vond! Gömlu gildin! Hin raunverulegu verðmæti! Bíttu í þig Bubbi Morthens. Ekki nóg með það heldur er ætlast til þess að maður kói með drullusokkunum: Við erum öll samábyrg! Við höfum öll verið á neyslufylleríi! Nei, ég ber sko ekki ábyrgð á þessu kjaftæði. Ekki snefil. Núll ábyrgð. Takk. |
|
|
| (pas de sujets) |
[juil. 2e, 2008|11:36 am] |
Við mamma vorum að tala um trúarlegar vígslur samkynhneigðra í hjónaband.
Viðhorf hennar var að þótt hún styddi að sjálfsögðu full réttindi sakynhneigðra til jafns við aðra, þá skildi hún bara eiginlega ekki hvers vegna samkynhneigt fólk ætti að vilja gifta sig í kirkju, þ.e. hvernig þau gætu talið sér það samboðið að tilheyra trúarstofnun sem fordæmdi þau.
Einu sinni var ég alveg sammála þessu. En ég hef skipt um skoðun. Að vísu held ég að það sé engin góð ástæða til þess að trúa á guð kristinna manna og ekki ástæða til að tilheyra kirkjunni ef maður gerir það ekki. En það er nú einu sinni þannig að biblían talar ekki bara illa um sakynhneigða, heldur líka konur, útlendinga (!) og alls konar aðra hópa (þ.á.m. úlfalda). Ef kirkjan færi eftir biblíunni í alvöru lægi beint af augum fyrir allt þetta fólk að flýja hana eins og sökkvandi skip.
En hin íslenska lútherska kirkja fer alls ekki eftir biblíunni, nema rétt svo völdum köflum og þá í annarlegri túlkun. Enda er ekki heldur hægt að fara eftir þessu ritsafni því það er fullt af innri mótsögnum. Trúin sem kirkjan boðar er einhvers konar moð af kennisetningum, uppfært og aðlagað og túlkað eftir hentugleikum. Kirkjan breytist með tíðarandanum og segir núna eitthvað allt annað en hún gerði í öndverðu.
Og þess vegna, sé á annað borð til trúarstofnun, er skömminni skárra að það sé ó-hómófóbísk trúarstofnun en hómófóbísk. Alveg eins og það er skárra að hafa trúarstofnun sem er ekki rasísk og hatast ekki við konur. Besti kosturinn við íslensku þjóðkirkjuna er einmitt hversu auðvelt það er að móta hana í samræmi við nýjustu framfarir í mannréttindamálum. Hún er þannig miklu lýðræðislegri en margar aðrar kirkjur, sem er kostur, þótt það geri boðskap hennar reyndar handónýtan sem alvöru trúarbrögð, en það er annar mikill kostur á henni - þótt það sé reyndar önnur saga. |
|
|
| Frægð og frami |
[juin. 30e, 2008|10:16 pm] |
Jæja, ég hef látið það vera að auglýsa þetta nokkuð en ef einhver skyldi hafa áhuga þá eru hérna hlekkir á nýju Víðsjár-pistlana mína:
18. júní
25. júní
Síðasti pistillinn í þessari röð fer svo í loftið næsta miðvikudag. Ég set þetta inn núna af því að bara er hægt að nálgast útvarpsefni á netinu í tvær vikur eftir útsendingu, svo ekki verður hægt að hlusta á fyrsta pistilinn eftir næsta miðvikudag.
Njótið! |
|
|
| (pas de sujets) |
[avr. 11e, 2008|05:41 pm] |
Gud og eg eigum aldrei eftir ad vera vinir, hann er bara of shallow.
Eg meina, ad draga folk i dilka eftir thvi hvernig thad klaedir sig, thad er bara deal-breaker fyrir mig.
A kaffihusinu sem er mitt annad heimili liggur frammi baeklingur med leidbeiningum fyrir passover. I honum kemur medal annars fram ad thad se gudi thoknanlegt ad naestkomandi fostudag feli madur 10 braudbita heima hja ser, thykist sidan leita ad theim og thegar madur finni tha skuli madur brenna tha og sturta sidan oskunni nidur i klosett (serstok baen fylgir sem skal sogd medan madur sturtar). Af hverju? Ju af thvi natturulega ad gydingunum la svo a ut ur Egyptalandi ad their hofdu ekki tima til ad lata braudid hefast. Audvitad.
Eg a aldrei eftir ad skilja thad mentalitet sem madur tharf ad hafa til thess ad trua thvi ad einmitt thetta vilji gud endilega ad madur geri. Eda af hverju hann aetti endilega ad vilja ad madur se med skritinn hatt.
(Kannski getur Dunja varpad einhverju ljosi a thetta sidastnefnda fyrir mig, verandi dalitid inni i skrytinna-hatta-fraedum....) |
|
|
| navigation |
| [ |
viewing |
| |
most recent entries |
] |
| [ |
go |
| |
earlier |
] |
| |
|
|
![[info]](http://l-stat.livejournal.com/img/userinfo.gif?v=91.7){kind=small}
styraffi